മുക്കം: റിയാദ് ആസ്ഥാനമായി പ്രവര്‍ത്തിക്കുന്ന മുക്കം ഏരിയ സര്‍വിസ് സൊസൈറ്റി (മാസ് റിയാദ്) 15-ാം വാര്‍ഷികാഘോഷങ്ങളുടെ ഭാഗമായി ഡ്രസ് ബാങ്ക് തുടങ്ങി. മുക്കം ഗവ. ആശുപത്രിയില്‍ വസ്ത്ര ശേഖരണത്തിനു പ്രത്യേക സംവിധാനമൊരുക്കിയിട്ടുണ്ട്. പുതിയതും ഉപയോഗപ്രദമായ പഴയതുമായ വസ്ത്രങ്ങള്‍ ഇവിടെ നിക്ഷേപിക്കാം. മെഡിക്കല്‍ ഓഫിസറും മാസ് അംഗങ്ങളും ആവശ്യക്കാര്‍ക്കു വസ്ത്രങ്ങള്‍ എത്തിച്ചുകൊടുക്കും.
മാസ് വനിതാ വിഭാഗം പ്രസിഡന്റ് ഫാത്വിമ മുഹമ്മദ് പദ്ധതി ഉദ്ഘാടനം ചെയ്തു. മാസ്  പ്രസിഡന്റ് കെ.ടി ഉമ്മര്‍ അധ്യക്ഷനായി. ജില്ലാ മെഡിക്കല്‍ ഓഫിസര്‍ ഡോ. സരിത ആര്‍.എല്‍, മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍, സാബിത ജബ്ബാര്‍, ബുഷ്‌റ, മുര്‍ഷിദ ശംസുദ്ദീന്‍, സജ്‌ന സുബൈര്‍, ഹസീന ബഷീര്‍, സമീല ഷിഹാബ് സംബന്ധിച്ചു.