തിരുവനന്തപുരം: എസ്.പി യതീഷ് ചന്ദ്രക്ക് പൊലിസിന്റെ അനുമോദനപത്രം. ശബരിമലയിലെ 15 ദിവസത്തെ പ്രവര്‍ത്തനം വിലയിരുത്തിയാണ് യതീഷ്ചന്ദ്രക്ക് അനുമോദനപത്രം നല്‍കുന്നത്. ശശികലയെ അറസ്റ്റ് ചെയ്ത 10 വനിതാ സിവില്‍ പൊലിസ് ഉദ്യോഗസ്ഥര്‍ക്കും അനുമോദനപത്രം നല്‍കും.
സര്‍ക്കിള്‍ ഇന്‍സ്‌പെക്ടര്‍ കെ.എ എലിസബത്ത് (ആലത്തൂര്‍, പാലക്കാട്), രാധാമണി (ഇന്‍ഫോ പാര്‍ക്ക്, കൊച്ചി), സബ് ഇന്‍സ്‌പെക്ടര്‍ വി. അനിലാകുമാരി, വി. പ്രേമലത (വനിതാ സെല്‍, പാലക്കാട്), സി.ടി ഉമാദേവി (തൃശൂര്‍ സിറ്റി), സീത (ഫറോക്ക്), സുശീല (പത്തനംതിട്ട), കെ.എസ് അനിലാകുമാരി (വനിതാ സെല്‍, കോട്ടയം), ത്രേസ്യ ശോശ (കൊച്ചി), സുശീല (വനിതാ ഹെല്‍പ്‌ലൈന്‍, തൊടുപുഴ) എന്നിവര്‍ക്കാണ് അനുമോദനപത്രം നല്‍കുന്നത്.