കടമേരി: രാജ്യത്തിന്റെ വൈവിധ്യങ്ങളെ തകര്‍ക്കുന്നവര്‍ നാടിന്റെ ഏകതയെ തിരസ്‌കരിച്ച് ലാഭം കൊയ്യാനുള്ള ശ്രമത്തിലാണെന്ന് വേളം പഞ്ചായത്ത് എം.എസ്.എഫ് നസിറുദ്ദീന്‍ അനുസ്മരണത്തോടനുബന്ധിച്ച് സംഘടിപ്പിച്ച സെക്യുലര്‍ മീറ്റ് അഭിപ്രായപ്പെട്ടു. 

എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍ ഉദ്ഘാടനം ചെയ്തു. അജ്മല്‍ എ.കെ അധ്യക്ഷനായി. യൂത്ത് ലീഗ് ജില്ലാ പ്രസിഡന്റ് സാജിദ് നടുവണ്ണൂര്‍ അനുസ്മരണ പ്രഭാഷണം നടത്തി. നാസര്‍ ഫൈസി കൂടത്തായി മുഖ്യപ്രഭാഷണം നടത്തി. ഒ. ഹരിദാസ്, മുഹമ്മദ് റഹ്മാനി തരുവണ, ലത്തീഫ് തുറയൂര്‍, എം.പി ഷാജഹാന്‍, അഫ്‌നാസ് ചോറോട്, പി.കെ ബഷീര്‍ മാസ്റ്റര്‍, ഇ.പി സലീം, എം.കെ ബഷീര്‍ മാസ്റ്റര്‍, കുറുവങ്ങാട് കുഞ്ഞബ്ദുല്ല, അനസ് കടലാട്ട്, ടി.കെ റഫീഖ് മാസ്റ്റര്‍ പ്രസംഗിച്ചു.