ഈരാറ്റുപേട്ട: മുസ്‌ലിം ഗേള്‍സ് ഹയര്‍ സെക്കന്‍ഡറി സ്‌കൂളിലെ പരിസ്ഥിതി സംഘടന സാഫിന്റെ ആഭിമുഖ്യത്തില്‍ അന്തര്‍ദേശീയ കടുവാ ദിനം ആചരി ച്ചു. സാഫ് അംഗങ്ങളും അധ്യാപകരും അടങ്ങുന്ന സംഘം കേരളത്തിലെ ആദ്യത്തെ കടുവാ സങ്കേതമായ തേക്കടി പെരിയാര്‍ ടൈഗര്‍ റിസര്‍വ്വില്‍ എത്തിയാണ് കടുവാ ദിനം ആചരിച്ചത്. കാടിനു വേണ്ടി ജീവിതം ഉഴിഞ്ഞുവച്ച കണ്ണന്റെ വേര്‍പാടില്‍ അനുശോചനം അറിയിക്കുന്നതിനായി സാഫ് അംഗങ്ങള്‍ കണ്ണന്റെ ഭവനം സന്ദര്‍ശിച്ച് കുടുംബാംഗങ്ങളുമായി സംസാരിച്ചു. പുതുതായി കണ്ടെത്തിയ കുറിമിചെടിക്ക് കണ്ണന്റെ പേരു നല്‍കി ശാസ്ത്ര ലോകം കണ്ണനെ ആദരിച്ചിരുന്നു. എം.എഫ് അബ്ദുല്‍ ഖാദര്‍, സാഫ് കണ്‍വീനര്‍ മുഹമ്മദ് ലൈസല്‍, കെ.എം സുലൈമാന്‍, സി.എ ച്ച് മാഹീന്‍, ഫാത്തിമ റഹീം, ജോതി എസ്. നായര്‍, പി.എന്‍ സുവാദ്, കെ.എം. സവാദ് പരിപാടികള്‍ക്ക് നേതൃത്വം നല്‍കി.