HOME
DETAILS

ഇടത് എം.പിമാര്‍ അടുത്തയാഴ്ച കശ്മിര്‍ സന്ദര്‍ശിക്കും

  
backup
November 30 2019 | 06:11 AM

%e0%b4%87%e0%b4%9f%e0%b4%a4%e0%b5%8d-%e0%b4%8e%e0%b4%82-%e0%b4%aa%e0%b4%bf%e0%b4%ae%e0%b4%be%e0%b4%b0%e0%b5%8d%e2%80%8d-%e0%b4%85%e0%b4%9f%e0%b5%81%e0%b4%a4%e0%b5%8d%e0%b4%a4%e0%b4%af%e0%b4%be

 

 


സ്വന്തം ലേഖകന്‍
ന്യൂഡല്‍ഹി: ഇടത് എം.പിമാര്‍ അടുത്തയാഴ്ച കശ്മിര്‍ സന്ദര്‍ശിക്കും. എളമരം കരീം, ബിനോയ് വിശ്വം, ടി.കെ രംഗ രാജന്‍ എന്നിവരാണ് കശ്മിര്‍ സന്ദര്‍ശിക്കുന്നത്.
കശ്മിര്‍ സന്ദര്‍ശിക്കാനും ഫാറൂഖ് അബ്ദുല്ല, ഉമര്‍ അബ്ദുല്ല, മുഹമ്മദ് യൂസുഫ് തരിഗാമി എന്നീ നേതാക്കളെ കാണാനും അനുമതിതേടി ഈ മാസം 21ന് ഇവര്‍ കത്തുനല്‍കിയിരുന്നു. കശ്മിര്‍ ആഭ്യന്തര വകുപ്പ് നല്‍കിയ മറുപടിയില്‍ സന്ദര്‍ശനാനുമതി നല്‍കിയതായി വ്യക്തമാക്കിയിട്ടില്ലെങ്കിലും വിലക്കിയിട്ടില്ല. അതിനാല്‍ ബന്ധപ്പെട്ട അധികാരികളെ അറിയിച്ച് അടുത്തയാഴ്ച കശ്മിര്‍ സന്ദര്‍ശിക്കുമെന്ന് എം.പിമാര്‍ അറിയിച്ചു.തരിഗാമിയെ സന്ദര്‍ശിക്കുന്നതില്‍ വിലക്കില്ലെന്നും ഫാറൂഖ് അബ്ദുല്ലയെയും ഉമര്‍ അബ്ദുല്ലയെയും കാണാന്‍ ബന്ധപ്പെട്ടവരുടെ അനുമതി വേണമെന്നും മറുപടിയില്‍ പറയുന്നുണ്ട്.
ഫാറൂഖ് അബ്ദുല്ല പബ്ലിക് സേഫ്റ്റി ആക്ട് പ്രകാരം തടങ്കലിലായതിനാലും ഉമര്‍ അബ്ദുല്ല വീട്ടുതടങ്കലിലായതിനാലും ഇരുവരെയും കാണാന്‍ ശ്രീനഗര്‍ ജില്ലാ മജിസ്‌ട്രേറ്റിന്റെ അനുമതി വേണമെന്ന് മറുപടിയിലുണ്ട്. എന്നാല്‍, തരിഗാമിക്ക് എവിടെ പോകുന്നതിനും വിലക്കില്ലെന്നും കത്തില്‍ പറയുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."