HOME
DETAILS

എന്‍ജിന്‍ തകരാര്‍; ബോട്ട് കടലില്‍ കുടുങ്ങി

  
backup
December 04 2018 | 07:12 AM

%e0%b4%8e%e0%b4%a8%e0%b5%8d%e2%80%8d%e0%b4%9c%e0%b4%bf%e0%b4%a8%e0%b5%8d%e2%80%8d-%e0%b4%a4%e0%b4%95%e0%b4%b0%e0%b4%be%e0%b4%b0%e0%b5%8d%e2%80%8d-%e0%b4%ac%e0%b5%8b%e0%b4%9f%e0%b5%8d%e0%b4%9f

പൊന്നാനി: എന്‍ജിന്‍ തകരാറിനെത്തുടര്‍ന്ന് മത്സ്യബന്ധന ബോട്ട് കടലില്‍ കുടുങ്ങി. കടലില്‍ കുടുങ്ങിയ തൊഴിലാളികളെ ഫിഷറീസ് വകുപ്പിന്റെ നേതൃത്വത്തില്‍ രക്ഷപ്പെടുത്തി, ബോട്ട് കരയിലെത്തിച്ചു.
ഞായറാഴ്ച രാത്രി പൊന്നാനിയില്‍നിന്നു മത്സ്യബന്ധനത്തിന് പുറപ്പെട്ട ബോട്ടാണ് എന്‍ജിന്‍ തകരാറിനെത്തുടര്‍ന്ന് കടലില്‍ കുടുങ്ങിയത്. പൊന്നാനി മരക്കടവ് സ്വദേശി കൂരാട്ടുവളപ്പില്‍ കോയയുടെ ഉടമസ്ഥതയിലുള്ള ബോട്ട് കരയില്‍നിന്നു ഒന്‍പത് നോട്ടിക്കല്‍ മൈല്‍ ദൂരെ വച്ചാണ് കേടായത്. ഈ സമയം ബോട്ടിനകത്ത് ഏഴു മത്സ്യത്തൊഴിലാളികളാണുണ്ടായിരുന്നത്. എന്‍ജിന്‍ ശരിയാക്കാന്‍ തൊഴിലാളികള്‍ ഏറെ നേരം പരിശ്രമിച്ചെങ്കിലും ഫലം കണ്ടില്ല. മൊബൈല്‍ ഫോണുകള്‍ക്ക് നെറ്റ്‌വര്‍ക്ക് നഷ്ടമായതിനെത്തുടര്‍ന്ന് ബോട്ട് കടലില്‍ നങ്കൂരമിട്ട് നിര്‍ത്തിയിട്ടു. തിങ്കളാഴ്ച മൊബൈല്‍ ബന്ധം ശരിയായതോടെ തൊഴിലാളികള്‍ പൊന്നാനി പൊലിസില്‍ വിവരമറിയിക്കുകയും തുടര്‍ന്ന് ഫിഷറിസിന് വിവരം കൈമാറുകയുമായിരുന്നു. പിന്നീട്, ഫിഷറീസ് റസ്‌ക്യൂ ബോട്ടിലെ ഉദ്യോഗസ്ഥരും തൊഴിലാളികളും ചേര്‍ന്ന് ബോട്ടിനെ കെട്ടിവലിച്ച് കരക്കെത്തിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."