കൊയിലാണ്ടി: താലൂക്ക് ആശുപത്രിയില്‍ ലാബ് റിപ്പോര്‍ട്ട് മാറി നല്‍കിയ സംഭവത്തില്‍ യൂത്ത് കോണ്‍ഗ്രസ് പ്രവര്‍ത്തകര്‍ ആശുപത്രി സൂപ്രണ്ടിനെ ഉപരോധിച്ചു. പെരുവട്ടൂര്‍ സ്വദേശിയായ മനോജിനാണ് കരുണന്‍ എന്ന പേരിലുള്ള പരിശോധനാ റിപ്പോര്‍ട്ട് മാറി നല്‍കിയത്. റിപ്പോര്‍ട്ട് പ്രകാരം ഡോക്ടര്‍ മരുന്നും കുറിച്ച് നല്‍കിയിരുന്നു.
സംഭവത്തില്‍ അന്വേഷണം നടത്താമെന്ന സുപ്രണ്ടിന്റെ ഉറപ്പിനെ തുടര്‍ന്നാണ് ഉപരോധം അവസാനിപ്പിച്ചത്.
യൂത്ത് കോണ്‍ഗ്രസ് കൊയിലാണ്ടി മണ്ഡലം പ്രസിഡന്റ് എം.കെ സായിഷ് നേതൃത്വം നല്‍കി. വി.ടി സുരേന്ദ്രന്‍, റാശിദ് മുത്താമ്പി, രജിന്‍ മണ്ണാരി, സിനീഷ്, അഖില്‍രാജ് മരളൂര്‍, അമല്‍കൃഷ്ണ, അരുണ്‍കുമാര്‍, പ്രശാന്ത് പങ്കെടുത്തു.