വെങ്ങപ്പള്ളി: കലാപകലുഷിതമായ ലോകത്ത് മനുഷ്യനേറെ ആഗ്രഹിക്കുന്നത് മാനവികതയുടെ ശബ്ദമാണെന്നും, വിശുദ്ധ ഹജ്ജ് കര്‍മ്മത്തിലൂടെ ലോകം മാനവികത വായിച്ചെടുക്കുകയാണ് ചെയ്യുന്നതെന്നും എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ അഭിപ്രായപ്പെട്ടു.
വെങ്ങപ്പള്ളിയില്‍ അക്കാദമി ഹജ്ജ് ക്യാംപിന് നേതൃത്വം നല്‍കി സംസാരിക്കുകയായിരുന്നു അദ്ദേഹം. സമസ്ത ജില്ലാ പ്രസിഡന്റ ്‌കെ.ടി ഹംസ മുസ്‌ലിയാരുടെ അധ്യക്ഷതയില്‍ ചേര്‍ന്ന പരിപാടി സമസ്ത മുശാവറാ അംഗം വി. മൂസക്കോയ മുസ്‌ലിയാര്‍ ഉദ്ഘാടനം ചെയ്തു. സയ്യിദ് ശിഹാബുദ്ധീന്‍ വാഫി പ്രാര്‍ഥന നടത്തി. ആനമങ്ങാട് അബൂബക്കര്‍ മുസ്‌ലിയാര്‍, പിണങ്ങോട് അബൂബക്കര്‍ ഹാജി, പി.സി ഇബ്‌റാഹീം ഹാജി, മൊയ്തീന്‍ കുട്ടി പിണങ്ങോട്, പനന്തറ മുഹമ്മദ്, ഹര്‍ഷല്‍ കല്‍പ്പറ്റ, റഫീഖ് കൂളിവയല്‍, മുഹമ്മദ്കുട്ടി ഹസനി, കെ.എ നാസര്‍ മൗലവി, ജഅ്ഫര്‍ ഹൈതമി സംസാരിച്ചു. ഇബ്‌റാഹീം ഫൈസി പേരാല്‍ സ്വാഗതവും എ.കെ സുലൈമാന്‍ മൗലവി നന്ദിയും പറഞ്ഞു.