തിരുവനന്തപുരം: മുഹമ്മദ് നബി (സ) അനുപമ വ്യക്തിത്വം എന്ന പ്രമേയത്തില്‍ എസ്.വൈ.എസ് സംസ്ഥാന കമ്മിറ്റി കഴിഞ്ഞ നവംബര്‍ ഏഴിന് പാണക്കാട് സയ്യിദ് ഹൈദര്‍ അലി ശിഹാബ് തങ്ങളുടെ വസതിയില്‍ നിന്ന് തുടക്കം കുറിച്ച് ഒരു മാസം നീണ്ടുനിന്ന റഷീഅ് കാംപയിന്റെ സമാപനം വിവിധ പരിപാടികളോടെ ഡിസംബര്‍ ഒന്‍പതിന് തിരുവനന്തപുരം കോട്ടുമല ബാപ്പു മുസ്‌ലിയാര്‍ നഗറില്‍ (ഗാന്ധി പാര്‍ക്ക്) നടക്കും.
സമാപന സമ്മേളനത്തോടനുബന്ധിച്ച് എസ്.വൈ.എസ്, എസ്.കെ.എസ്.എസ്.എഫ് സന്നദ്ധ വിഭാഗം ആമില, വിഖായ പരേഡ്, പ്രകീര്‍ത്തന സദസ്, സൗഹൃദ സംഗമം, പ്രമേയ പ്രഭാഷണം തുടങ്ങിയവ നടക്കും. സമ്മേളന പ്രചരണാര്‍ഥം ഏഴ്,എട്ട് തിയതികളില്‍ ജില്ലയിലുടനീളം ദഫ് സംഗമത്തിന്റെ അകമ്പടിയോടെ വാഹന സന്ദേശയാത്ര നടക്കും.
നസീര്‍ഖാന്‍ ഫൈസി ക്യാപ്റ്റനും, കിളിമാനൂര്‍ അഹമ്മദ് റഷാദി വൈസ് ക്യാപ്റ്റനും റാസി ബാഖവി, ഷംജുദ്ദീന്‍ ചിറക്കല്‍ ഡയരക്ടര്‍മാരുമായ വാഹന സന്ദേശയാത്രക്ക് ജില്ലയിലെ പ്രധാന കേന്ദ്രങ്ങളില്‍ സ്വീകരണം ഏര്‍പ്പെടുത്തും. ജില്ലയിലെ പ്രധാന ജങ്ഷനുകളില്‍ ആര്‍ച്ചുകള്‍ സ്ഥാപിക്കും. ഇത് സംബന്ധമായി കണിയാപുരം നൂറുല്‍ ഹിക്മില്‍ ചേര്‍ന്ന സ്വാഗതസംഘത്തിന്റെയും സംഘടനാ ഭാരവാഹികളുടെയും യോഗത്തില്‍ എസ്.വൈ.എസ് ജില്ലാ പ്രസിഡന്റ് ഉസ്താദ് നസീര്‍ഖാന്‍ ഫൈസി അധ്യക്ഷനായി.
സമസ്ത ഓര്‍ഗനൈസര്‍ ഒ.എം ശരീഫ് ദാരിമി വിഷയാവതരണം നടത്തി.
സിദ്ദീഖ് ഫൈസി അല്‍ അസ്ഹരി കണിയാപുരം, ഹുസൈന്‍ ദാരിമി പെരിങ്ങമ്മല, ഷാനവാസ് മാസ്റ്റര്‍ കണിയാപുരം, ചുള്ളിമാനൂര്‍ അഹമ്മദ് റഷാദി, ബീമാപള്ളി റഷീദ്, ഫിറോസ് ഖാന്‍ വള്ളക്കടവ്, റഹീം വള്ളക്കടവ്, ഹാറൂണ്‍ റഷീദ്, നൂറുദ്ദീന്‍ വിഴിഞ്ഞം, അഡ്വ. ഹലീം, ഹുസൈന്‍ വിഴിഞ്ഞം സംസാരിച്ചു.