ആലപ്പുഴ: അപ്പീല്‍ പ്രവാഹം മത്സര ക്രമങ്ങളുടെ താളം തെറ്റിച്ചു. ഒന്നാം വേദിയായ ലിയോതേര്‍ട്ടീന്ത് ഹൈസ്‌കൂളില്‍ അരങ്ങേറിയ ആദ്യമത്സരമായ പെണ്‍കുട്ടികളുടെ കേരളനടനത്തിന് അപ്പീലുകളേറേയായി. നാല് ക്ലസ്റ്ററുകളിലായി 25 പേരാണ് മാറ്റുരയ്ക്കുന്നത്. 14 വിദ്യാര്‍ഥികള്‍ ജില്ലയില്‍ നിന്ന് ഒന്നാംസ്ഥാനം നേടി നേരിട്ടും, 11 വിദ്യാര്‍ഥികള്‍ അപ്പീല്‍ വഴിയുമാണ് മത്സരിക്കുന്നത്.  ഇതോടെ രണ്ടാമത് ഈ വേദിയില്‍ ആരംഭിക്കേണ്ട ഹൈസ്‌കൂള്‍ ആണ്‍കുട്ടികളുടെ ഭരതനാട്യം അഞ്ച് മണിക്കൂറുകളോളം വൈകിയാണ് ആരംഭിച്ചത്.  ഇതോടെ ഈ വേദിയിലെ മത്സരം അവസാനിക്കുമ്പോള്‍ നേരം പുലരും. മിക്ക വേദികളിലും ഇതു തന്നെയാണ് അവസ്ഥ. മേരി ഇമ്മാകുലേറ്റ് എച്ച്.എസ്.എസിലെ നാടക വേദിയിലും അപ്പീല്‍ പ്രവാഹത്താല്‍ മത്സരം പാതിരാത്രിയിലും തുടര്‍ന്നു. എട്ട് അപ്പീലുകളാണ് നാടകത്തിനുള്ളത്.