കോഴിക്കോട്: സതേണ്‍ റെയില്‍വേ ജനറല്‍ മാനേജര്‍ വസിഷ്ഠ് ജോഹ്‌റി കോഴിക്കോട് റെയില്‍വേ സ്റ്റേഷന്‍ സന്ദര്‍ശിച്ചു. ഇന്നലെ രാവിലെയാണ് ജി.എമ്മും സംഘവും റയില്‍വേ സ്റ്റേഷനില്‍ സന്ദര്‍ശനം നടത്തിയത്. 

പതിവു നടപടി മാത്രമാണിതെന്ന് റെയില്‍വേ അധികൃതര്‍ വ്യക്തമാക്കിയെങ്കിലും അന്താരാഷ്ട്ര പദവിയുള്ള സ്റ്റേഷനിലെ അസൗകര്യങ്ങള്‍ അദ്ദേഹം നേരിട്ടു മനസിലാക്കിയെന്നാണ് ലഭിക്കുന്ന സൂചന. ഡിവിഷനല്‍ റെയില്‍വേ മാനേജര്‍ ലാല്‍വാനിയും അദ്ദേഹത്തെ അനുഗമിച്ചു. തുടര്‍ന്ന് ഷോര്‍ണൂരിലേക്കു പോയ സംഘം ഇന്നു ചെന്നൈയിലേക്ക് തിരിക്കും.