കോഴിക്കോട്: ഓട്ടിസബാധിതനായ അപൂര്‍വ പ്രതിഭ രാകേഷ് രജനീകാന്തിന്റെ ഗാനമേള നാളെ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വൈകല്യങ്ങളെ നേരിടുന്നവര്‍ക്ക് സാന്ത്വനമായാണ് പ്രമുഖ ഹിന്ദി ഗായകന്‍ കിഷര്‍ കുമാറിന്റെ പാട്ടുകള്‍ കോര്‍ത്തിണക്കി ഹൃദയസംഗീതം എന്ന പേരില്‍ റോട്ടറി കാലിക്കറ്റ് മിഡ് ടൗണ്‍ പരിപാടി സംഘടിപ്പിക്കുന്നതെന്ന് പ്രസിഡന്റ് ഡോ. മുഹമ്മദ് ഹസനും പരിപാടിയുടെ കണ്‍വീനര്‍ ആര്‍. ജയന്ത് കുമാറും അറിയിച്ചു. വൈകിട്ട് ആറിന് ടൗണ്‍ഹാളിലാണ് പരിപാടി. വാര്‍ത്താസമ്മേളനത്തില്‍ രാകേഷ് രജനീകാന്തും ബന്ധുക്കളും പങ്കെടുത്തു.