ബാലുശ്ശേരി: അഗ്രിക്കള്‍ച്ചറല്‍ ടെക്‌നോളജി മാനേജ്‌മെന്റ് ഏജന്‍സിയും പനങ്ങാട് കൃഷിഭവനും സംയുക്തമായി പനങ്ങാട് കൃഷിഭവനില്‍ ഞാറ്റുവേല കാര്‍ഷിക മേള ആരംംഭിച്ചു. 

മാവിനങ്ങളായ ബംഗനപ്പള്ളി, ഹിമവസന്ത് പ്ലാവിനങ്ങളായ മുട്ടന്‍വരിക്ക, തേന്‍വരിക്ക, മലേഷ്യന്‍ റെഡ്, റംബൂട്ടാന്‍ ഗ്രാഫ്റ്റ്, ജാതിബഡ്, ജാതി ഗ്രാഫ്റ്റ്, തെങ്ങ്, കുരുമുളക്, കുറ്റി കുരുമുളക്, കവുങ്ങിന്‍തൈകള്‍, കാര്‍ഷിക കര്‍മസേനയുടെ ഉപകരണങ്ങള്‍, റെഡ്‌കോയുടെ കാര്‍ഷിക ഉപകരണങ്ങള്‍, വ്യത്യസ്തങ്ങളായ അച്ചാറുകള്‍, ശുദ്ധമായ തേന്‍ എന്നിവ പ്രദര്‍ശനത്തിനായി എത്തിയിട്ടുണ്ട്.
മേളയുടെ ഉദ്ഘാടനം പനങ്ങാട് പഞ്ചായത്ത് പ്രസിഡന്റ് വി.എം കമലാക്ഷി നിര്‍വഹിച്ചു. പി.സി പുഷ്പ അധ്യക്ഷയായി.
കൊട്ടയില്‍ മുഹമ്മദ്, ശോഭന കണിയാംകണ്ടി, കെ.കെ കൃഷ്ണകുമാര്‍, വെറ്റിനറിസര്‍ജന്‍ ഡോ.എ.ജെ ജോയ് സംസാരിച്ചു. കൃഷി ഓഫിസര്‍ കെ.വി നൗഷാദ് സ്വാഗതവും അസി.കൃഷി ഓഫിസര്‍ മുഹമ്മദ്‌കോയ നന്ദിയും പറഞ്ഞു. മേള ഇന്ന് സമാപിക്കും.