മാള: ഓണത്തിന് ഒരു മുറം പച്ചക്കറി പദ്ധതിയുമായി മേലഡൂര്‍ ഗവ.എല്‍.പി.സ്‌കൂളില്‍ പച്ചക്കറി കൃഷി തുടങ്ങി. ഓണത്തിന് ഒരു മുറം പച്ചക്കറി എന്ന പദ്ധതിയുടെ ഭാഗമായി വെണ്ണര്‍ സഹകരണ സൊസൈറ്റിയുടെ സഹകരണത്തോടെയാണ് സ്‌കൂളില്‍ ഗ്രോബാഗുകളിലും മറ്റും വിദ്യാര്‍ഥികള്‍ പച്ചക്കറി തൈകള്‍ നട്ടത്.
വിദ്യാര്‍ഥികളില്‍ കൃഷിയോട് ആഭിമുഖ്യം വളര്‍ത്തുകയെന്ന ലക്ഷ്യവും പദ്ധതി നടപ്പിലാക്കുന്നതിലൂടെ ഉള്ളതായി ഹെഡ്മിസ്ട്രസ് പറഞ്ഞു .പയര്‍, വെണ്ട, വഴുതിന, ചീര, തക്കാളി തുടങ്ങിയവയാണ് നട്ടത്. വാര്‍ഡ് മെമ്പര്‍ പി.ഒ പൗലോസ് പദ്ധതി ഉദ്ഘാടനം ചെയ്തു.
ഹെഡ്മിസ്ട്രസ്സ് വി.കെ മേഴ്‌സിക്കുട്ടി , സോജന്‍ കാരെക്കാട്ട്, എ.എ റോസ്‌മോള്‍ തുടങ്ങിയവര്‍ സംസാരിച്ചു. മേലഡൂര്‍ എല്‍.പി സ്‌കൂളില്‍ പൂര്‍വ്വ വിദ്യാര്‍ഥി ഷിജു ചക്കാലക്കല്‍ കുട്ടികള്‍ക്ക് വേണ്ടി സൗജന്യമായി നല്‍കിയ കമ്പ്യുട്ടറിന്റെ സ്വിച്ച് ഓണ്‍ കര്‍മ്മവും വാര്‍ഡ് മെമ്പര്‍ പി. പൗലോസ് നിര്‍വ്വഹിച്ചു. എസ്.എം.സി.വൈസ് ചെയര്‍മാന്‍ ബിജു പി.വി അധ്യക്ഷനായി. എ.എ റോസ് മോള്‍ ടീച്ചര്‍ സംസാരിച്ചു.