അലനല്ലൂര്‍: ഇരുട്ടിന്റെ മറവില്‍ അലനല്ലൂര്‍ കേന്ദ്രീകരിച്ച് രഹസ്യ കള്ള് മയക്കുമരുന്ന് വില്‍പന സജീവമാകുന്നു. അലനല്ലൂര്‍ അയ്യപ്പന്‍കാവ്, സ്‌കൂള്‍പടി, ബസ് സ്റ്റാന്‍ഡ് സ്റ്റേഡിയം എന്നിവ കേന്ദ്രീകരിച്ചാണ് പ്രധാന വില്‍പന നടക്കുന്നത്. വൈകീട്ട് ആറ് മുതല്‍ രാത്രി പത്ത് വരെയാണ് സ്വകാര്യ വ്യക്തികള്‍ മറ്റുള്ളവര്‍ക്കായി വില്‍പ്പന നടത്തുന്നത്.
വര്‍ഷങ്ങളായുള്ള മദ്യ വില്‍പനയില്‍ ഇവര്‍ക്കെതിരെ പരാതികളോ മറ്റു നിയമ നടപടികള്‍ ഒന്നും ആരും സ്വീകരിക്കാത്തതും ഇവര്‍ക്ക് വലിയ പിന്‍ബലമായി. അലനല്ലൂര്‍ ബസ് സ്റ്റാന്‍ഡ് സ്‌കൂള്‍ പടി കേന്ദ്രീകരിച്ച് കഞ്ചാവ് വില്‍പനയും തകൃതിയായി നടന്നു വരുന്നുണ്ട് . സ്‌കൂള്‍ വിദ്യാര്‍ത്ഥികള്‍ മുതല്‍ വൃദ്ധന്മാര്‍ വരെ ഇവരുടെ ചതിക്കുഴിയില്‍ അകപ്പെട്ടവരാണ്. എന്നാല്‍ കഞ്ചാവിന്റെ പ്രധാന ഉറവിടവും ഏജന്റുമാരെയും ഇതുവരെ കണ്ടെത്താന്‍ അധികാരികള്‍ക്ക് കഴിഞ്ഞിട്ടില്ല.