ന്യൂഡല്‍ഹി: പ്രധാനമന്ത്രിയുടെ സാമ്പത്തിക ഉപദേശക സമിതിയില്‍ നിന്നും സാമ്പത്തിക വിദഗ്ധന്‍ സുര്‍ജിത് ബല്ല രാജിവെച്ചു. താന്‍ ഡിസംബര്‍ ഒന്നിന് കൗണ്‍സിലില്‍ നിന്ന് രാജിവെച്ചതായി ബല്ല ട്വിറ്ററില്‍ കുറിച്ചു.

പ്രധാനമന്ത്രിയുടെ സാമ്പത്തിക ഉപദേശക സമിതിയില്‍ പാര്‍ട്ട് ടൈം അംഗമായിരുന്നു സുര്‍ജിത്ത് ബല്ല. സാമ്പത്തിക വിദഗ്ധരായ രാത്തിന്‍ റോയ്, അഷിമ ഗോയല്‍, ഷാമിക രവി എന്നിവരാണ് സമിതിയിലെ മറ്റ് പാര്‍ട്ട് ടൈം അംഗങ്ങള്‍.

ഇന്നലെ ആര്‍.ബി.ഐ ഗവര്‍ണര്‍ ഉര്‍ജിത് പട്ടേല്‍ രാജിവെച്ചിരുന്നു. ഇതിനു പിന്നാലെയാണ് തന്റെ രാജിക്കാര്യം ബല്ല പരസ്യമാക്കിയത്.