ന്യൂഡല്‍ഹി: ഡല്‍ഹി പൊലിസിന്റെ ക്രൂരതകളില്‍ കൂടുതല്‍ വെളിപെടുത്തലുമായി ജാമിഅ വിദ്യാര്‍ഥികള്‍. കാമ്പസില്‍ നരനായാട്ടിനിടെ പൊലിസ് കസ്റ്റഡിയിലെടുത്ത വിദ്യാര്‍ഥികള്‍ക്ക് സ്റ്റേഷനിലും ക്രൂരമായ പെരുമാറ്റമാണ് പൊലിസിന്റെ ഭാഗത്തുനിന്നുണ്ടായതെന്നാണ് വെളിപെടുത്തല്‍. കസ്റ്റഡിയില്‍ വെച്ച പൊലിസ് നിര്‍ബന്ധിച്ച് മദ്യം കുടിപ്പിച്ചതായും നഗ്നരാക്കി മര്‍ദ്ദിച്ചതായും വിദ്യാര്‍ഥികള്‍ സാമൂഹിക മാധ്യമങ്ങള്‍ വഴി വെളിപെടുത്തുന്നു.

സ്റ്റേഷനിനുള്ളില്‍ നഗ്‌നരാക്കിയശേഷം ലാത്തികൊണ്ട് അടിക്കുകയായിരുന്ന. ഞായറാഴ്ച രാത്രി കസ്റ്റഡിയിലെടുത്ത വിദ്യാര്‍ത്ഥികളെ പിന്നീട് പുറത്തുവിട്ടിരുന്നു. വിദ്യാര്‍ത്ഥികളിലൊരാള്‍ക്ക് ശരീരത്തില്‍ മൂന്ന് പൊട്ടലുകളുണ്ട്. മറ്റുള്ളവര്‍ക്കും ശരീരത്തില്‍ സാരമായ പരിക്കേറ്റിട്ടുണ്ട് എന്നും വിദ്യാര്‍ഥികള്‍ പറയുന്നു.