നിലമ്പൂര്‍: അപ്രതീക്ഷിത വൈദ്യുതി മുടക്കത്തെ തുടര്‍ന്ന് നിലമ്പൂര്‍ സബ്ട്രഷറിയുടെ പ്രവര്‍ത്തനം ഇന്നലെ പൂര്‍ണമായും നിലച്ചു. ശമ്പളബില്ലുകള്‍, പെന്‍ഷന്‍, ചലാനുകള്‍, മറ്റു പണമിടപാടുകള്‍ എല്ലാം തടസപ്പെട്ടു. 

കംപ്യൂട്ടറുകള്‍ പ്രവര്‍ത്തിപ്പിക്കാനാവശ്യമായി ജനറേറ്റര്‍ സംവിധാനം ഇല്ലാത്തതാണ് ട്രഷറിയുടെ പ്രവര്‍ത്തനം തടസപ്പൊടനിടയായത്. ഇന്നലെ രാവിലെ മുതല്‍ പോയ വൈദ്യുതി ഉച്ചയോടെ പുന:സ്ഥാപിച്ചെങ്കിലും ഇടവിട്ട് മുടങ്ങി. യു.പി.എസ് തകരാറായി കിടക്കുകയാണ്. വൈദ്യുതി മുടങ്ങുന്നതോടെ ട്രഷറിയുടെ പ്രവര്‍ത്തനം മുന്‍പും തടസപ്പെടാറുണ്ട്. സന്നദ്ധ സംഘടനകള്‍ മുന്‍പ് ജനറേറ്റര്‍ സ്‌പോണ്‍സര്‍ ചെയ്‌തെങ്കിലും തുടര്‍ന്ന് പ്രവര്‍ത്തിക്കാനുള്ള പണം കണ്ടെത്താനാവാത്തതാണ് സ്ഥാപിക്കാന്‍ വൈകുന്നത്.