ഗൂഡല്ലൂര്‍: പന്തല്ലൂര്‍ മേഖലയില്‍ രണ്ട് പേരെ കൊലപ്പെടുത്തിയ കാട്ടാന മുതുമല വന്യജീവി സങ്കേതത്തിലെ തൊപ്പക്കാടില്‍ ഇണങ്ങിവരുന്നു. മെയ് 9ന് കൊലവിളിച്ച് നടക്കുകയായിരുന്ന കാട്ടാനയെ വനംവകുപ്പ് മയക്ക് വെടിവെച്ച് പിടികൂടി മുതുമലയിലേക്ക് കൊണ്ടുപോകുകയായിരുന്നു.
ഇതുവരെ കൂട്ടിലിട്ടാണ് ആനയെ നോക്കിയിരുന്നത്. ആനയെ പരിചരിക്കാനായി മാരന്‍, മാന്ദന്‍, കുള്ളന്‍ എന്നി പാപ്പാന്മാരെയും വനംവകുപ്പ് നിയോഗിച്ചിരുന്നു. കൂട്ടില്‍ അടച്ചിട്ട ആന ഇപ്പോള്‍ മറ്റ് വളര്‍ത്താനകളുമായും പാപ്പാന്മാരുമായും ഇണങ്ങിയിട്ടുണ്ട്. പാപ്പാന്മാര്‍ ഈ ആനയുടെ പുറത്തും കയറാന്‍ തുടങ്ങിയിട്ടുണ്ട്. ഇതിനെ താപ്പാനയാക്കാനാണ് വനംവകുപ്പ് പദ്ധതിയിട്ടിരിക്കുന്നത്.