കൊണ്ടോട്ടി: കരിപ്പൂര്‍ എം.ഐ.എ.എം.എല്‍.പി സ്‌കൂളില്‍ ജനകീയ സഹകരണത്തോടെ പ്രഭാതഭക്ഷണ പരിപാടിക്ക് തുടക്കമായി. കൊണ്ടോട്ടി നഗരസഭ വികസന സ്ഥിരസമിതി അധ്യക്ഷന്‍ അഡ്വ. അബ്ദുല്‍ സമദ് ഉദ്ഘാടനം ചെയ്തു. വിദ്യാര്‍ഥികള്‍ക്ക് പ്ലേറ്റ്, ഗ്ലാസ് എന്നിവ വിതരണം ചെയ്തു.
രക്ഷിതാക്കള്‍ക്കായി ജൈവ പച്ചക്കറി ബോധവല്‍ക്കരണ ക്ലാസും പച്ചക്കറി വിത്തുവിതരണവും നടത്തി.
പള്ളിക്കല്‍ ഗ്രാമപഞ്ചായത്ത് വൈസ് പ്രസിഡന്റ് ജസീന ലത്തീഫ് അധ്യക്ഷയായി. ബ്ലോക്ക് പ്രോഗ്രാം ഓഫിസര്‍ കെ മുഹമ്മദ് മുഖ്യാതിഥിയായിരുന്നു. കൃഷി അസി. സുരേഷ്, സറീന, കെ.കെ ബാവഹാജി, നവാസ്, മാനേജര്‍ കെ മുഹമ്മദ്, ആരിഫ, കെ മുഹമ്മദലി, പ്രധാനാധ്യാപകന്‍ വി.ടി പ്രഭാകരന്‍, പി.ടി.എ പ്രസിഡന്റ് അറുമുഖന്‍ സംബന്ധിച്ചു.