ചെന്നൈ: കൊച്ചിയിലേക്കുള്ള സഊദി എയര്‍ലൈന്‍സ് വിമാനം മോശം കാലാവസ്ഥയെത്തുടര്‍ന്ന് ചെന്നൈയില്‍ ഇറക്കി. എന്നാല്‍ നാട്ടിലേക്കെത്തിക്കുന്നതിനായുള്ള ബദല്‍ സംവിധാനം ഏര്‍പ്പെടുത്താന്‍ വൈകുന്നതില്‍ യാത്രക്കാര്‍ പ്രതിഷേധത്തിലാണ്.

റിയാദില്‍ നിന്നു പുറപ്പെട്ട വിമാനമാണ് ചെന്നൈയില്‍ വഴിതിരിച്ചുവിട്ട് ഇറക്കിയത്. രാവിലെ 11ന് കൊച്ചിയില്‍ എത്തേണ്ടതായിരുന്നു വിമാനം. എന്നാല്‍ ഉച്ചയ്ക്ക് 12 മണിയോടെ ചെന്നൈയില്‍ ഇറക്കുകയായിരുന്നു. യാത്രക്കാരെല്ലാം ചെന്നൈ വിമാനത്താവളത്തില്‍ കുടുങ്ങുകയും ചെയ്തു.

പത്തു മണിക്കൂര്‍ പിന്നിട്ടിട്ടും താമസ സൗകര്യമോ ബദല്‍ യാത്രാ സൗകര്യം ഒരുക്കുകയോ ചെയ്യാത്തതാണ് യാത്രക്കാരെ പ്രതിഷേധിത്തിലാക്കിയത്.