കൊച്ചി: സ്വകാര്യ ഭൂമിയില്‍ മലിനജലം കെട്ടിക്കിടക്കുന്നതിനെ തുര്‍ന്ന് കോണ്‍വെന്റ് ജങ്ഷനില്‍ പകര്‍ച്ചപനി പടരുന്നു.
ഇതിനകം നിരവധിപേര്‍ക്ക് പലതരത്തിലുള്ള പനികള്‍ പിടിപെട്ടു. ഡെങ്കി പനിയാണ് കൂടുതലായും പടരുന്നത്.
പനി മൂലം പലരും ആശുപത്രികളില്‍ ചികിത്സയിലാണ്. മാസങ്ങളായി കെട്ടികിടക്കുന്ന വെള്ളം കൊതുക് പടരുന്നതിന് ഇടയാക്കുന്നു.
മാസങ്ങള്‍ക്ക് മുമ്പ് കെട്ടിടം നിര്‍മിക്കുന്നതിനാണ് ഇവിടെ വലിയ തോതില്‍ മണ്ണെടുത്തത്.
എന്നാല്‍, നിര്‍മാണ പ്രവര്‍ത്തനങ്ങള്‍ക്ക് അനുവാദം ഇല്ലായിരുന്നു. അതിനാല്‍ അധികൃതര്‍ സ്‌റ്റോപ് മെമ്മോ നല്‍കി. ഇതുമൂലം പണി തുടങ്ങാനായില്ല.
എന്നാല്‍, മണ്ണെടുത്ത ഭാഗം മൂടിയില്ല. മഴ തുടങ്ങിയതോടെ ഇവിടെ വെള്ളം കെട്ടിനില്‍ക്കാനും തുടങ്ങി.
മാലിനജലം നിറഞ്ഞ കുളം മൂടി കൊതുക്പ്രജനനം തടയണമെന്ന് നാട്ടുകാര്‍ ആവശ്യപ്പെട്ടു.