രാജാക്കാട്: പള്ളിവാസലില്‍ വീണ്ടും മലമുകളില്‍ നിന്നും പാറ അടര്‍ന്ന് വീണു. മുന്‍പ് പാറ അടര്‍ന്ന് വീണ് അപകടമുണ്ടായ പ്ലംചൂടി റിസോര്‍ട്ടിന് സമീപത്തായിട്ടാണ് വീണ്ടും പാറ അടര്‍ന്നുവീണത്. പ്ലംചൂടി റിസോര്‍ട്ടിലേയ്ക്ക് പാറ അടര്‍ന്ന് വീഴുകയും തുടര്‍ന്ന് റിസര്‍ട്ടിന്റെ പ്രവര്‍ത്തനം നിര്‍ത്തിവയ്പ്പിക്കുകയും ചെയ്തിരുന്നു. പിന്നീട് പ്രദേശത്ത് അപകട സാധ്യതയില്ലായന്ന് പറഞ്ഞ് അടുത്തിടയാണ് റിസോര്‍ട്ടിന് വീണ്ടും പ്രവര്‍ത്തനാനുമതി നല്‍കിയത്.കനത്തമഴയില്‍ മലമുകളില്‍ നിന്നും ഇനിയും പാറകള്‍ അടര്‍ന്ന് വീഴാന്‍ സാധ്യതുയുള്ളതിനാല്‍ വലിയ അപകട ഭീഷിണിയാണ് നിലനില്‍ക്കുന്നത്.