കേപ്ടൗണ്‍: ഇംഗ്ലണ്ടിനെതിരായ ആദ്യ ടെസ്റ്റില്‍ ദക്ഷിണാഫ്രിക്കക്ക് ജയം. ഇന്നലെ സമാപിച്ച മത്സരത്തില്‍ 107 റണ്‍സിനാണ് ഇംഗ്ലണ്ടിനെ പരാജയപ്പെടുത്തിയത്.
റോറി ജോസഫിന്റെ മികച്ച ബാറ്റിങ്ങിനും ഇംഗ്ലണ്ടിനെ രക്ഷിക്കാന്‍ കഴിഞ്ഞില്ല. 154 പന്തില്‍ നിന്ന് 84 റണ്‍സാണ് റോറി ജോസഫ് സ്വന്തമാക്കിയത്. ദക്ഷിണാഫ്രിക്കയുടെ ശക്തമായ ബൗളിങ്ങിന് മുന്നില്‍ ഇംഗ്ലണ്ട് ബാറ്റിങ് നിര തകരുകയായിരുന്നു.
ഒന്നാമിന്നിങ്‌സില്‍ 284 റണ്‍സാണ് ദക്ഷിണാഫ്രിക്ക കണ്ടെത്തിയത്. ഇതിന് മറുപടിയായി ഇംഗ്ലണ്ട് 181 റണ്‍സും നേടി. രണ്ടാം ഇന്നിങ്‌സില്‍ ദക്ഷിണാഫ്രിക്ക 272 റണ്‍സെടുത്തു.
ഇതോടെ ലീഡ് ഉള്‍പ്പെടെ ഇംഗ്ലണ്ട് മുന്നില്‍ 376 റണ്‍സിന്റെ വിജയ ലക്ഷ്യമായി. അവസാന ദിവസം 376 റണ്‍സ് ലക്ഷ്യമാക്കി ഇറങ്ങിയ ഇംഗ്ലണ്ടിന് ലക്ഷ്യം നേടാനായില്ല.
268 റണ്‍സ് മാത്രമാണ് ഇംഗ്ലണ്ടിന് കൂട്ടിച്ചേര്‍ക്കാന്‍ സാധിച്ചത്. ഇതോടെ നാല് മത്സരങ്ങളുള്ള ടെസ്റ്റില്‍ ദക്ഷിണാഫ്രിക്ക 1-0ത്തിന് മുന്നിലെത്തി. ഇരുവരും തമ്മിലുള്ള രണ്ടാം ടെസ്റ്റ് ജനുവരി മൂന്നിന് നടക്കും.