തിരൂര്‍: അനന്താവൂര്‍ സഹചാരി സെന്റര്‍ ആന്‍ഡ് ശംസുല്‍ ഉലമാ റിലീഫ് സെല്‍ സംഘടിപ്പിക്കുന്ന പ്രമുഖ പ്രഭാഷകന്‍ സിംസാറുല്‍ ഹഖ് ഹുദവിയുടെ ഏകദിന പ്രഭാഷണം 18ന് ചേരുരാലില്‍ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
ചേരുരാല്‍ ഹൈസ്‌കൂളിന് സമീപം ശംസുല്‍ ഉലമാ നഗറില്‍ വൈകിട്ട് 6.30ന് ആരംഭിക്കുന്ന പ്രഭാഷണം പാണക്കാട് ഹാഷിറലി ശിഹാബ് തങ്ങള്‍ ഉദ്ഘാടനം ചെയ്യും. സി മമ്മൂട്ടി എം.എല്‍.എ മുഖ്യാതിഥിയാകും. മുഹമ്മദലി ദാരിമി കരേക്കാട് അധ്യക്ഷനാകും. വൈകിട്ട് അഞ്ചിന് സ്വാഗതസംഘം ചെയര്‍മാന്‍ ആലുങ്ങല്‍ കോമു ഹാജി പതാക ഉയര്‍ത്തും.
5.15ന് ജീലാനി മൗലിദിന് സയ്യിദ് ഫായിസ് തങ്ങള്‍, ത്വയ്യിബ് ഖാസിമി കെ.കെ, ശരീഫ് വാഫി നേതൃത്വം നല്‍കും. വാര്‍ത്താസമ്മേളനത്തില്‍ ആലുങ്ങല്‍ കോമു ഹാജി, മഹ്മൂദ് ഫൈസി കെ.കെ, ടി. അതീഖ് റഹ്മാന്‍, നാസര്‍ അയപള്ളി, ടി. ജഅഫര്‍ പങ്കെടുത്തു.