മക്ക: ഹജ്ജിനെത്തുന്ന ഇന്ത്യന്‍ ഹാജിമാര്‍ക്ക് മികച്ച സേവനം ഉറപ്പ് വരുത്താന്‍ ഇന്ത്യന്‍ ഹജ്ജ് മിഷന്റെ നേതൃത്വത്തില്‍ ചേര്‍ന്ന വളണ്ടിയര്‍ ലീഡര്‍മാരുടെയും സംഘടനാ നേതാക്കളുടെയും യോഗത്തില്‍ തീരുമാനം.
ഇന്ത്യന്‍ കോണ്‍സുലര്‍ ജനറല്‍ മുഹമ്മദ് നൂര്‍ റഹ്മാന്‍ ശൈഖ്, ഹജ്ജ് കോണ്‍സല്‍ മുഹമ്മദ് ഷാഹിദ് ആലം എന്നിവരുടെ നേതൃത്വത്തിലാണ് യോഗം ചേര്‍ന്നത്.
കഴിഞ്ഞ വര്‍ഷങ്ങളില്‍ വളണ്ടണ്ടിയര്‍ ഗ്രൂപ്പുകള്‍ നിര്‍വഹിച്ച പ്രവര്‍ത്തനങ്ങളെ കോണ്‍സല്‍ ജനറല്‍ പ്രത്യേകം അഭിനന്ദിച്ചു.
മലയാളി സന്നദ്ധ സംഘങ്ങളുടെ പ്രവര്‍ത്തനം അദ്ദേഹം പ്രത്യേകം എടുത്തു പറയുകയും ചെയ്തു. വിഖായ, കെ.എം.സി.സി, ഹജ്ജ് വെല്‍ഫെയര്‍ ഫോറം, ഐ.പി.ഡബ്യൂ.എഫ്, തനിമ, ഫ്രറ്റേര്‍ണിറ്റി ഫോറം വളണ്ടണ്ടിയര്‍ ഗ്രൂപ്പുകളുടെ നേതാക്കളാണ് യോഗത്തില്‍ പങ്കെടുത്തത്.