ചെറുപുഴ: ലഹരി ഉപയോഗത്തിനെതിരേ ചെറുപുഴ സെന്റ് മേരീസ് ഹൈസ്‌കൂള്‍ ആന്റി ഡ്രഗ്‌സ് സ്റ്റുഡന്‍സ് യൂനിറ്റിന്റെ നേതൃത്വത്തില്‍ വിദ്യാര്‍ഥികള്‍ റാലി സംഘടിപ്പിച്ചു. സ്‌കൂള്‍ പരിസരത്തുനിന്നാരംഭിച്ച റാലി, കാക്കയംചാല്‍, ചെറുപുഴ ടൗണ്‍, ബസ് സ്റ്റാന്റ് എന്നിവിടങ്ങളിലൂടെ സഞ്ചരിച്ച് സ്‌കൂളില്‍ സമാപിച്ചു. റാലിക്കുശേഷം പാന്‍മസാല ഹോമവും നടന്നു. പ്രധാനധ്യാപകന്‍ കെ.എം തോമസ്, സിസ്റ്റര്‍ ബ്ലസ്സി, പി.എം ജോര്‍ജ്, സന്തോഷ് ജോസഫ്, സാല്‍വി സെബാസ്റ്റ്യന്‍, പി.ടി.എ പ്രസിഡന്റ് സാജു പുത്തന്‍പുര, മദര്‍ പി.ടി.എ പ്രസിഡന്റ് ഷീന ജോണി എന്നിവര്‍ നേതൃത്വം നല്‍കി. ഡോ. സാജന്‍ ജോസഫ് ക്ലാസ്സെടുത്തു.