മലപ്പുറം: പട്ടിക്കാട് ജാമിഅഃ നൂരിയ്യയുടെ പ്രചാരണാര്‍ഥം പൂര്‍വ വിദ്യാര്‍ഥി സംഘടനയായ ഓസ്‌ഫോജ്‌ന നടത്തുന്ന ജാമിഅഃ തവാസുല്‍ കാംപയിനിന് തുടക്കമായി. സംസ്ഥാനത്തിനകത്തും പുറത്തുമായി പതിനായിരത്തോളം പേരെ നേരില്‍ കണ്ട് ജാമിഅയെ പരിചയപ്പെടുത്തുന്ന കാംപയിനിന് ഓസ്‌ഫോജ്‌ന കേന്ദ്ര കമ്മിറ്റി നേതൃത്വം നല്‍കും. പാണക്കാട്ട് നടന്ന ചടങ്ങില്‍ സയ്യിദ് ഹൈദരലി ശിഹാബ് തങ്ങള്‍ ജാമിഅഃ വിവരണ രേഖ പ്രകാശനം ചെയ്തു. മേലാറ്റൂര്‍ വെള്ളിയാര്‍ ബില്‍ഡേഴ്‌സ് എം.ഡി അബ്ദുല്‍ മജീദ് ഏറ്റുവാങ്ങി.
സയ്യിദ് സാദിഖലി ശിഹാബ് തങ്ങള്‍ അധ്യക്ഷനായി. സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍, സയ്യിദ് ബശീറലി ശിഹാബ് തങ്ങള്‍, സി.കെ.എം സാദിഖ് മുസ്‌ലിയാര്‍, പുത്തനഴി മൊയ്തീന്‍ ഫൈസി, സയ്യിദ് ഹാശിറലി ശിഹാബ് തങ്ങള്‍, സയ്യിദ് ശമീറലി ശിഹാബ് തങ്ങള്‍, അലവി ഫൈസി കുളപ്പറമ്പ്, ബാപ്പുട്ടി ഫൈസി വേങ്ങൂര്‍, സി.എച്ച് ത്വയ്യിബ് ഫൈസി, ബശീര്‍ ഫൈസി ആനക്കര, സ്വലാഹുദ്ദീന്‍ ഫൈസി വല്ലപ്പുഴ, അബ്ദുറഹ്മാന്‍ ഫൈസി പാതിരമണ്ണ, മുഹമ്മദലി ഫൈസി മോളൂര്‍, അബ്ദുറഹ്മാന്‍ ഫൈസി കടുങ്ങല്ലൂര്‍, നിര്‍മാണ്‍ മുഹമ്മദലി, കെ.സി അബൂബക്കര്‍ ദാരിമി, ഹസന്‍ സഖാഫി പൂക്കോട്ടൂര്‍, പി.കെ ലത്തീഫ് ഫൈസി, ഖാജാ ദാരിമി, സി.കെ മൊയ്തീന്‍ ഫൈസി, എ.ടി മുഹമ്മദലി ഹാജി പങ്കെടുത്തു.