തിരുവനന്തപുരം: സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് നേരെ ബി.ജെ.പി നേതാവ് ശോഭാ സുരേന്ദ്രന്‍ ഉയര്‍ത്തിയ വധഭീഷണി നാട്ടില്‍ കലാപം സൃഷ്ടിക്കാനുള്ള നീക്കത്തിന്റെ ഭാഗമാണെന്ന് എല്‍.ഡി.എഫ് കണ്‍വീനര്‍ വൈക്കം വിശ്വന്‍.
സര്‍ക്കാരും ജനങ്ങളും സമാധാന ശ്രമങ്ങള്‍ക്ക് മുന്നോട്ടു വന്ന ഘട്ടത്തിലാണ് ബി.ജെ.പി നേതാക്കളുടെ ഭാഗത്ത്‌നിന്നു ഇത്തരം പ്രകോപനപരമായ പ്രസംഗങ്ങള്‍ ഉണ്ടാകുന്നത്. ജനാധിപത്യ വിശ്വാസികള്‍ ഇത്തരം പ്രകോപനങ്ങളില്‍ കുടുങ്ങരുതെന്നും അദ്ദേഹം പറഞ്ഞു.
ബി.ജെ.പി നേതൃത്വത്തിന്റെ ഇത്തരം കുടില നീക്കങ്ങള്‍ അങ്ങേയറ്റം അപലപനീയമാണെന്നും വൈക്കം വിശ്വന്‍ പ്രസ്താവനയില്‍ പറഞ്ഞു.