ചാലക്കുടി: അതിരപ്പിള്ളിയില്‍ വിനോദസഞ്ചാരത്തിനെത്തിയ പത്തംഗ സംഘത്തിലെ രണ്ട് വിദ്യാര്‍ഥികള്‍ പുഴയില്‍ മുങ്ങി മരിച്ചു. കളമശേരി ഐ.ടി.ഐയിലെ വിദ്യാര്‍ഥികളായ ചെറായി കടവില്‍ സലീമിന്റെ മകന്‍ മുഹമ്മദ് സാദിഖ് (18), ചോറ്റാനിക്കര അമ്പാടിമല മൗണ്ട് റോഡില്‍ മൂലേക്കുഴിയില്‍ തോമസിന്റെ മകന്‍ എല്‍ദോസ് (19)എന്നിവരാണ് മരിച്ചത്. വെള്ളിയാഴ്ച വൈകിട്ട് നാലോടെയാണ് സംഭവം. വെറ്റിലപ്പാറ കമ്മ്യൂണിറ്റി ഹാളിന് സമീപം പുഴയില്‍ കുളിക്കുന്നതിനിടെയാണ് വിദ്യാര്‍ഥികള്‍ ഒഴുക്കില്‍പ്പെട്ടത്. മൃതദേഹങ്ങള്‍ ചാലക്കുടി താലൂക്ക് ആശുപത്രി മോര്‍ച്ചറിയില്‍. പുഴയുടെ ഒരു കിലോമീറ്റര്‍ അപ്പുറത്ത് ഇതേ സ്ഥലത്ത് ഒരു മാസംമുന്‍പ് യുവാവ് ഒഴുക്കില്‍പ്പെട്ട് മരിച്ചിരുന്നു. സലീമിന്റെ ഉമ്മ: ഫസീല, സഹോദരി: സഹദിയ. എല്‍ദോയുടെ അമ്മ ബിന്ദു, സഹോദരി: എസ്‌തേര്‍.