ന്യൂഡല്‍ഹി: അഗസ്റ്റ വെസ്റ്റ്‌ലാന്‍ഡ് ഹെലികോപ്റ്റര്‍ ഇടപാടുമായി ബന്ധപ്പെട്ട അഴിമതി കേസില്‍ പിടിയിലായ ഇടനിലക്കാരന്‍ ക്രിസ്റ്റ്യന്‍ മിഷേലിനെ എന്‍ഫോഴ്‌സ്‌മെന്റ് ഡയരക്ടറേറ്റ് (ഇ.ഡി) അറസ്റ്റ് ചെയ്തു.
സി.ബി.ഐ കസ്റ്റഡിയിലുള്ള ഇയാളുടെ അറസ്റ്റ് ഇന്നലെയാണ് ഇ.ഡി രേഖപ്പെടുത്തിയത്. ഇന്നലെ അദ്ദേഹം നല്‍കിയ ജാമ്യ ഹരജി സി.ബി.ഐ പ്രത്യേക ജഡ്ജ് അരവിന്ദ് കുമാര്‍ തള്ളി. നേരത്തെ പണമിടപാടുമായി ബന്ധപ്പെട്ടും ഇ.ഡി അറസ്റ്റ് രേഖപ്പെടുത്തിയിരുന്നു.