വളാഞ്ചേരി: കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷന്റ ആഭിമുഖ്യത്തില്‍ നടക്കുന്ന തുടര്‍ വിദ്യാഭ്യാസ കലോത്സവം ഇന്നും നാളെയുമായി വളാഞ്ചേരിയില്‍ നടക്കും. ബ്ലോക്ക് പഞ്ചായത്ത് പരിധിയില്‍ ഉള്‍പ്പെട്ട പത്താം തരം തുല്യത , ഹയര്‍ സെക്കന്‍ഡറി തുല്യതാ പഠന ക്ലാസുകള്‍ നടക്കുന്ന സ്‌കൂളുകള്‍ തമ്മിലായിരിക്കും മത്സരങ്ങള്‍ നടക്കുക.
കഥാരചന , കവിതാരചന, ഉപന്യാസ രചന, പ്രസംഗം,വായന, കയ്യെഴുത്തസ് എന്നിവ ഇന്ന് രാവിലെ വളാഞ്ചേരി ബ്രൈറ്റ് അക്കാഡമിയില്‍ നടക്കും. ലളിത ഗാനം,പാദ്യപാരായണം,ഫാന്‍സി ഡ്രസ്സ്,നാടന്‍ പാട്ട്,മാപ്പിള പാട്ട്, നാടോടി നൃത്തം, ദേശഭക്തി ഗാനം,തിരുവാതിര,ഒപ്പന,ഭാരത നാട്യം,മിമിക്രി,മോണോ ആക്ട്, കഥാ പ്രസംഗം എന്നിവ നാളെ വളാഞ്ചേരിഎം.ഇ.എസ് കോളജ് ഓഡിറ്റോറിയത്തില്‍ നടക്കും
പരിപാടിയുടെ ഔപചാരിക ഉദ്ഘാടനം മന്ത്രി കെ.ടി ജലീല്‍ നിര്‍വഹിക്കും. ആബിദ് ഹുസൈന്‍ തങ്ങള്‍ എം ല്‍ എ അധ്യക്ഷനാകും. കലോത്സവ സ്വാഗത സംഘ രൂപീകരണ യോഗം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി ഉല്‍ഘടനം ചയ്തു.ഇരിമ്പിളിയം ഗ്രാമ പഞ്ചായത്തു പ്രസിഡന്റ് ഉമ്മു കുല്‍സു ടീച്ചര്‍ അധ്യക്ഷയായി. ബ്ലോക്ക് മെമ്പര്‍ കെ.ടി സിദ്ധീഖ് , എ.പി സബാഹ്,ആയിഷ , സാക്ഷരതാ ബ്ലോക്ക് പഞ്ചായത് നോഡല്‍ പ്രേരക് കെ ടി നിസാര്‍ ബാബു , പ്രേരക്മാരായ കെ പ്രിയ , എം ജംഷീറ , യു വസന്ത , സിദ്ധീഖ് കെപി, ആഷിക്.കെ, സാജിത കെ.പി, കദീജ പി,നിയാസ് കെ , അബൂബക്കര്‍ കെ, വിജയന്‍ സി തുടങ്ങിയവര്‍ സംസാരിച്ചു.