വണ്ടൂര്‍: പട്ടാപ്പകല്‍ യുവതിയെ അപമാനിക്കാന്‍ ശ്രമിച്ച പതിനാറുകാരന്‍ പിടിയില്‍. കഴിഞ്ഞ മൂന്നിനാണ് അങ്ങാടിയിലെ കെട്ടിടങ്ങള്‍ക്കിടയിലെ വഴിയില്‍വച്ച് യുവതിയെ അപമാനിക്കാന്‍ ശ്രമിച്ചത്. സമീപത്തെ സി.സി.ടി.വിയില്‍ പതിഞ്ഞ പ്രതിയുടെ ചിത്രം പത്ര മാധ്യമങ്ങളിലൂടെയും സോഷ്യല്‍ മീഡിയയിലൂടെയും പൊലിസ് പുറത്തുവിട്ടിരു. ഇതു ശ്രദ്ധയില്‍പെട്ട വിദ്യാര്‍ഥിയുടെ സഹപാഠികളാണ് പ്രതിയ കുറിച്ച് വിവരം നല്‍കിയത്. ഇതോടെ വിദ്യാര്‍ഥിയുടെ വീട്ടുകാര്‍ കുട്ടിയെ പൊലിസിനു മുന്‍പാകെ ഹാജരാക്കുകയായിരുന്നു. കുട്ടിയെ മഞ്ചേരി ജുവൈനല്‍ ജസ്റ്റിസ് കോടതിയില്‍ ഹാജരാക്കി.