ചങ്ങരംകുളം: സംസ്ഥാന പാതയില്‍ നിയന്ത്രണം വിട്ട കാര്‍ ഇലക്ട്രിക് പോസ്റ്റിലും നിര്‍ത്തിയിട്ട മറ്റൊരു കാറിലും ഇടിച്ചു കയറി. യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. ചൂണ്ടല്‍ -കുറ്റിപ്പുറം പാതയില്‍ പാവിട്ടപ്പുറം മാങ്കുളത്താണ് വെള്ളിയാഴ്ചയാണ് മൂന്ന് വാഹനങ്ങള്‍ അപകടത്തില്‍ പെട്ടത്.
തൃശ്ശൂര്‍ ഭാഗത്തുനിന്ന് കോഴിക്കോട് ഭാഗത്തേക്ക് പോകുകയായിരുന്ന സ്വിഫ്റ്റ് കാര്‍ നിയന്ത്രണം വിട്ട് സമീപത്തെ ഇലക്ട്രിക് പോസ്റ്റിലും സമീപത്ത് നിര്‍ത്തിയിട്ടിരുന്ന മറ്റൊരു കാറിലും ഇടിക്കുകയായിരുന്നു. ഇടിയുടെ ആഘാതത്തില്‍ തകര്‍ന്ന് വീണ പോസ്റ്റ് സമീപത്ത് നിര്‍ത്തിയിട്ട സ്‌കൂള്‍ വാനിലും വീണ് വാന്‍ ഭാഗികമായി തകര്‍ന്നു.
അപകടത്തില്‍ വാഹനങ്ങള്‍ ഭാഗികമായി തകര്‍ന്നെങ്കിലും യാത്രക്കാര്‍ പരുക്കേല്‍കാതെ രക്ഷപ്പെടുകയായിരുന്നു. ചങ്ങരംകുളം പൊലിസെത്തി മേല്‍ നടപടികള്‍ സ്വീകരിച്ചു. പാവിട്ടപ്പുറത്ത് അപകടങ്ങള്‍ പതിവാണെങ്കിലും പ്രദേശങ്ങളില്‍ സ്ഥിരം ഡിവൈഡറും സ്റ്റോപ്പ് ആന്‍ഡ് പ്രൊസീഡും സ്ഥാപിക്കണമെന്ന പ്രദേശവാസികളുടെ ആവശ്യം കടലാസില്‍ ഒതുങ്ങുകയാണ്.