കോഴിക്കോട്: പദ്ധതി പണം ധൂര്‍ത്തടിച്ച് ചില ജാതി സംഘടനകളെ കൂട്ടുപിടിച്ച് പുതുവര്‍ഷ ദിനത്തില്‍ സര്‍ക്കാരിനെ മുന്‍നിര്‍ത്തി സി.പി.എം നടത്തുന്ന വനിതാ മതില്‍ മതനിരപേക്ഷ കേരളത്തോടുള്ള വെല്ലുവിളിയാണെന്ന് ആര്‍.എം.പി.ഐ സംസ്ഥാന സെക്രട്ടറി എന്‍. വേണു പ്രസ്താവനയില്‍ പറഞ്ഞു.
ശബരിമല സ്ത്രീ പ്രവേശന വിഷയത്തില്‍ ബി.ജെ.പിയുമായി ഒത്തുകളിച്ച് സര്‍ക്കാര്‍ നടത്തിയ നാടകങ്ങള്‍ പൊതുസമൂഹത്തിന് ഇതിനകം ബോധ്യപ്പെട്ടതാണ്. ശബരിമല വിഷയത്തിലല്ല മതിലു കെട്ടുന്നതെന്ന് സംഘാടകര്‍ അവകാശപ്പെടുമ്പോള്‍ എന്തിനാണ് മതില്‍ എന്ന് മുഖ്യമന്ത്രി വ്യക്തമാക്കേണ്ടതാണെന്നും അദ്ദേഹം അഭിപ്രായപ്പെട്ടു.