റിയാദ്: കരിപ്പൂരിലേക്ക് അടുത്തിടെ യാത്രാവിമാനങ്ങള്‍ ആരംഭിച്ച സഊദി എയര്‍ലൈന്‍സ് കാര്‍ഗോ നീക്കവും തുടങ്ങി. ആഴ്ചയില്‍ 60 ടണ്ണോളം ചരക്കുകള്‍ കൈകാര്യം ചെയ്യാനാണ് ലക്ഷ്യമിടുന്നത്. നിലവില്‍ കരിപ്പൂരിലേക്ക് സഊദിയിലെ ജിദ്ദ, റിയാദ് എന്നിവിടങ്ങളില്‍നിന്നാണ് നേരിട്ട് സര്‍വിസുകള്‍ നടക്കുന്നത്. ചരക്ക് നീക്കം കൂടി വരുന്നതോടെ കൂടുതല്‍ വളര്‍ച്ച കൈവരിക്കാനാകുമെന്നാണ് കരുതുന്നതെന്ന് സഊദി കാര്‍ഗോ സി.ഇ.ഒ ഒമര്‍ ഹരീരി പറഞ്ഞു.