കണ്ണൂര്‍: പരിയാരം മെഡിക്കല്‍ കോളജില്‍ മാസ്റ്റര്‍ ഓഫ് ഫാര്‍മസി കോഴ്‌സില്‍ മാനേജ്‌മെന്റ് ക്വാട്ടയില്‍ ഏതാനും സീറ്റുകള്‍ ഒഴിവുണ്ട്. ഇന്നു രാവിലെ 11.30ന് നടക്കുന്ന വാക്ക് ഇന്‍ ഇന്റര്‍വ്യൂ മുഖാന്തിരമാണ് പ്രവേശനം.

ഫാര്‍മക്കോളജി, ഫാര്‍മക്കോഗ്‌നസി, ഫാര്‍മസ്യൂട്ടിക്‌സ് വിഷയങ്ങളിലാണ് പി.ജി കോഴ്‌സില്‍ ഒഴിവുള്ളത്. 55 ശതമാനം മാര്‍ക്കില്‍ കുറയാതെ നേടിയ ബി.ഫാം ബിരുദമാണ് എം.ഫാം കോഴ്‌സിലേക്കുള്ള ഇന്റര്‍വ്യൂവില്‍ പങ്കെടുക്കാനുള്ള യോഗ്യത. പ്രവേശനം ആഗ്രഹിക്കുന്ന വിദ്യാര്‍ഥികള്‍ നിശ്ചിതയോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം രാവിലെ 11ന് മെഡിക്കല്‍ കോളജിലെ അഡ്മിഷന്‍ സെല്‍ ഓഫിസില്‍ നേരിട്ട് റിപ്പോര്‍ട്ട് ചെയ്യണം. കൂടുതല്‍ വിവരങ്ങള്‍ www.mcpariyaram.com എന്ന വെബ്‌സൈറ്റിലും 0497 2882140 എന്ന നമ്പറിലും ലഭ്യമാണെന്ന് അക്കാദമി ഓഫ് മെഡിക്കല്‍ സയന്‍സസ് ഡയറക്ടര്‍ അറിയിച്ചു.