തിരുവനന്തപുരം: പഴയകാല വനിതാ ക്രിക്കറ്റ് താരങ്ങളുടെ ഒത്തുച്ചേരലും ടി20 ക്രിക്കറ്റ് മത്സരവും ഇന്ന് നടക്കും. കേരളത്തിലെ മുതിര്‍ന്ന വനിതാ ക്രിക്കറ്റ് താരങ്ങളെ ഒരുമിച്ച് ചേര്‍ക്കുക എന്ന ലക്ഷ്യത്തോടെയാണ് തിരുവനന്തപുരം എല്‍.എന്‍.സി.പിയില്‍ ക്രിക്കറ്റ് അസോസിയേഷന്റെ സഹകരണത്തോടെ ഒത്തുചേരല്‍ സംഘടിപ്പിക്കുന്നത്. പരിചയസമ്പന്നരായ പരിശീലകരെയും അംപയര്‍മാരേയും ഫിസിയോ തെറാപ്പിസ്റ്റുമാരേയും കണ്ടെത്തുകയും അവര്‍ക്ക് അവസരങ്ങള്‍ നല്‍കുകയുമാണ് പരിപാടിയിലൂടെ ലക്ഷ്യമിടുന്നത്. ഉയര്‍ന്നു വരുന്ന വനിതാ താരങ്ങള്‍ക്ക് ഗുണകരമാകും. മുതിര്‍ന്ന താരങ്ങളുടെ അറിവും പരിചയസമ്പന്നതയും പകര്‍ന്ന് നല്‍കലാണ് ഒത്തുച്ചേരലിലൂടെ കെ.സി.എ പദ്ധതിയിടുന്നത്.