മേപ്പാടി: ചെമ്പ്രമലയില്‍ കാട്ടാന കുഞ്ഞിന് ജന്മം നല്‍കി. വാച്ച് ടവറിന് സമീപത്തെ വനത്തിലാണ് കാട്ടാനയുടെ പ്രസവം.
ചൊവ്വാഴ്ച വൈകിട്ടോടെയാണ് ആനയുടെ പ്രസവം. കുഞ്ഞിന് കാവലായി ഏഴ് ആനകള്‍ അടങ്ങുന്ന കൂട്ടം കാവലുണ്ട്. സഞ്ചാരികള്‍ മല കയറുന്ന നടവഴിയോട് ചേര്‍ന്നാണ് ആനകള്‍ നിലയുറപ്പിച്ചിരിക്കുന്നത്. അതിനാല്‍ ആനകളും കുട്ടിയാനകളും ഉള്‍വനത്തിലേക്ക് പിന്‍മാറും വരെ സഞ്ചാരികള്‍ മലയിലേക്ക് പ്രവേശിക്കുന്നത് റെയ്ഞ്ച് ഓഫിസര്‍ വിലക്കിയിട്ടുണ്ട്.
ചെമ്പ്രമലയില്‍ വാച്ച് ടവറിന് സമീപം വി.എസ്.എസ് അംഗങ്ങള്‍ നോക്കി നില്‍ക്കെയായിരുന്നു ആനകുട്ടിയുടെ ജന്മം.
ആന പ്രവസിച്ചാല്‍ കുഞ്ഞിന് തീറ്റയെടുക്കാനാകുംവരെ അതേ സ്ഥലത്ത് നിലയുറപ്പിക്കും. അതിനാലാണ് സഞ്ചാരികള്‍ക്ക് വിലക്ക് ഏര്‍പ്പെടുത്തിയത്. വനം സംരക്ഷണ സമിതി അംഗങ്ങള്‍ക്ക് പോലും പ്രദേശത്തേക്ക് പോകുന്നത് വിലക്കിയിട്ടുണ്ട