HOME
DETAILS

ദേശീയ സിക്‌സെസ് ഹോക്കി ഇന്നുമുതല്‍ ചെമ്മങ്കടവില്‍

  
backup
December 28 2018 | 05:12 AM

%e0%b4%a6%e0%b5%87%e0%b4%b6%e0%b5%80%e0%b4%af-%e0%b4%b8%e0%b4%bf%e0%b4%95%e0%b5%8d%e2%80%8c%e0%b4%b8%e0%b5%86%e0%b4%b8%e0%b5%8d-%e0%b4%b9%e0%b5%8b%e0%b4%95%e0%b5%8d%e0%b4%95%e0%b4%bf-%e0%b4%87

 

മലപ്പുറം: പി.എന്‍ കുഞ്ഞിമമ്മു മാസ്റ്റര്‍ ദേശീയ സിക്‌സെസ് എ സൈഡ് ഹോക്കി ടൂര്‍ണമെന്റ് ഇന്നു ചെമ്മങ്കടവ് ഹയര്‍സെക്കന്‍ഡറി സ്‌കൂളില്‍ തുടങ്ങും. 19 വര്‍ഷമായി ചെമ്മങ്കടവ് പി.എം.എസ്.എ.എം.എ.എച്ച്.എസ്.എസില്‍ നടന്നുവരുന്ന ടൂര്‍ണമെന്റ് ഇന്നു മുതല്‍ നാലു ദിവസങ്ങളിലായാണ് നടക്കുന്നത്.
മഹാരാഷ്ട്ര, പൂനെ, പഞ്ചാബ്, പോണ്ടിച്ചേരി, തമിഴ്‌നാട് ടീമുകള്‍ക്കു പുറമേ കേരളത്തില്‍നിന്നുള്ള മുഴുവന്‍ ജില്ലാ ടീമുകളും ടൂര്‍ണമെന്റില്‍ മത്സരിക്കും. ഇന്നു വൈകിട്ട് 3.30നു പി. ഉബൈദുല്ല എം.എല്‍.എ ഉദ്ഘാടനം ചെയ്യും. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് പി.കെ ശംസുദ്ദീന്‍ മുഖ്യാതിഥിയാകും. മുന്‍ ഹോക്കി താരവും സ്‌കൂളിലെ പൂര്‍വ വിദ്യാര്‍ഥിയും വിവിധ മാധ്യമ അവാര്‍ഡ്‌ജേതാവുമായ വി.പി നിസാറിനെ ആദരിക്കും.
മത്സരത്തില്‍ പങ്കെടുക്കുന്ന മുഴുവന്‍ ടീമുകള്‍ക്കും സൗജന്യ ഭക്ഷണവും താമസവും സംഘാടക സമിതി നല്‍കും. ചെമ്മങ്കടവ് ഹോക്കി ഹോള്‍ഡ് പ്ലെയേഴ്‌സ് (ഹോപ്‌സ്), സ്‌കൂള്‍ പി.ടി.എ എന്നിവരുടെ ആഭിമുഖ്യത്തില്‍ നടത്തുന്ന ടൂര്‍ണമെന്റിലെ വിജയികള്‍ക്കു പ്രൈസ് മണിയും ട്രോഫിയുമാണ് സമ്മാനിക്കുക.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."