HOME
DETAILS

അഴീക്കലില്‍ മെക്കാനിക്കല്‍ ഡ്രഡ്ജിങിനു തുടക്കം

  
backup
August 14 2017 | 02:08 AM

%e0%b4%85%e0%b4%b4%e0%b5%80%e0%b4%95%e0%b5%8d%e0%b4%95%e0%b4%b2%e0%b4%bf%e0%b4%b2%e0%b5%8d%e2%80%8d-%e0%b4%ae%e0%b5%86%e0%b4%95%e0%b5%8d%e0%b4%95%e0%b4%be%e0%b4%a8%e0%b4%bf%e0%b4%95%e0%b5%8d%e0%b4%95

 

കണ്ണൂര്‍: അഴീക്കല്‍ തുറമുഖത്തെ കട്ടര്‍ സക്ഷന്‍ ഡ്രഡ്ജര്‍ 'സി.എസ്.ഡി ചന്ദ്രഗിരി' ഉപയോഗിച്ചുള്ള മെക്കാനിക്കല്‍ ഡ്രഡ്ജിങ് മന്ത്രി കടന്നപ്പള്ളി രാമചന്ദ്രന്‍ ഫ്‌ളാഗ് ഓഫ് ചെയ്തു. 19 കോടി രൂപാ ചെലവില്‍ സര്‍ക്കാര്‍ ഒരുക്കിയ ഡ്രഡ്ജര്‍ ഉപയോഗിച്ച് തുറമുഖ ചാനലിന്റെയും ബേസിനിന്റെയും ആഴം ആറുമീറ്ററായി വര്‍ധിപ്പിക്കുന്നതോടെ അഴീക്കല്‍ തുറമുഖത്തു നിന്നുള്ള കപ്പല്‍ ഗതാഗതം പൂര്‍ണതോതില്‍ പ്രവര്‍ത്തന സജ്ജമാകും. ആറുമീറ്റര്‍ ആഴത്തിലാണു ഡ്രഡ്ജിങ് പ്രവൃത്തി നടത്തുക.
ഇതു ആറുമാസത്തിനകം പൂര്‍ത്തിയാക്കും. ലക്ഷദ്വീപില്‍ നിന്നുള്ള ഉരുക്കള്‍ അഴീക്കലില്‍ നങ്കൂരമിടാന്‍ ആഴംകുറഞ്ഞ ഭാഗത്ത് നാലുമീറ്റര്‍ ആഴത്തില്‍ ഡ്രഡ്ജ്ങ് നടത്തും. ഇതു ഒരുമാസത്തിനകവും പൂര്‍ത്തിയാക്കും. ലക്ഷദ്വീപില്‍ നിന്നുള്ള ഉരുക്കള്‍ ചരക്കുമായി ബേപ്പൂര്‍, മംഗളൂരു തുറുമുഖങ്ങളില്‍ നിലവില്‍ എത്തുന്നുണ്ട്. ഇവ കണ്ണൂരിലും കൂടി എത്തിക്കുകയാണു ലക്ഷ്യം.
ജില്ലാപഞ്ചായത്ത് പ്രസിഡന്റ് കെ.വി സുമേഷ്, മുന്‍ എം.എല്‍.എ എം. പ്രകാശന്‍, തുറമുഖ വകുപ്പ് ഡെപ്യൂട്ടി ഡയറക്ടര്‍ കെ.ആര്‍ വിനോദ്, മന്ത്രി കടന്നപ്പള്ളിയുടെ മണ്ഡലം പ്രതിനിധി യു. ബാബു ഗോപിനാഥ്, ബ്ലോക്ക് പഞ്ചായത്ത് പ്രസിഡന്റ് കുടുവന്‍ പദ്മനാഭന്‍, പഞ്ചായത്ത് പ്രസിഡന്റ് എം.പി മനോരമ, തുറമുഖ ഓഫിസര്‍ അശ്വിന്‍ പ്രതാപ്, അഴീക്കല്‍ സീനിയര്‍ പോര്‍ട്ട് കണ്‍സര്‍വേറ്റര്‍ എം. സുധീര്‍ കുമാര്‍, ഹാര്‍ബര്‍ എന്‍ജിനിയറിങ് വിഭാഗം എക്‌സിക്യൂട്ടീവ് എന്‍ജിനിയര്‍ ഇ. ശൈലജ, ചേംബര്‍ ഓഫ് കൊമേഴ്‌സ് പ്രസിഡന്റ് സി.വി ദീപക്, സുധീര്‍ ബാബു, കെ.കെ ജയപ്രകാശ്, ടി.പി മനോജ് കുമാര്‍, അജിനേഷ് മാടങ്കര, മുഹമ്മദ് റാഫി, എ.കെ തൃദീപ്, കെ.വി ഷക്കീല്‍ സംബന്ധിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."