താമരശേരി: കൈതപ്പൊയില്‍ എം.ഇ.എസ് സ്‌കൂളില്‍ തിരുവമ്പാടി റോട്ടറി ക്ലബിന്റെ സഹായത്തോടെ ഔഷധത്തോട്ട നിര്‍മാണം, മഴവെള്ള സംഭരണിയിലൂടെ വറ്റാത്ത കിണര്‍, എന്നീ പ്രൊജക്ടുകള്‍ക്ക് തുടക്കംകുറിച്ചു. റോട്ടറി ക്ലബ് ഗവര്‍ണര്‍ മേജര്‍ പി.എം ശിവശങ്കരന്‍ ഉദ്ഘാടനം ചെയ്തു. നൂറു വീടുകളില്‍ കിണര്‍ റീചാര്‍ജിങ് പദ്ധതി നടപ്പാക്കാനാണ് ലക്ഷ്യമിടുന്നത്.
ഔഷധത്തോട്ടത്തിനാവശ്യമായ ചെടികള്‍ കുട്ടികള്‍ക്ക് വിതരണം ചെയ്തു. റോട്ടറി ക്ലബ് പ്രസിഡന്റ് ജോസഫ് പുളിമൂട്ടില്‍ അധ്യക്ഷനായി. ഡോ. എന്‍.കെ സന്തോഷ് ബോധവല്‍ക്കരണ ക്ലാസെടുത്തു. ചടങ്ങില്‍ കൈതപ്പൊയില്‍ ഹദ്‌യ സ്‌പെഷല്‍ സ്‌കൂളിലെ വിദ്യാര്‍ഥികള്‍ക്ക് സ്‌നേഹവിരുന്ന് നല്‍കി. റെജി മത്തായി, ഡോ. വി.കെ പ്രസാദ്, കെ.എം.ഡി മുഹമ്മദ്, പി.സി ബെന്നി, എ.സി അബ്ദുല്‍ അസീസ്, ഐശ്വര്യ, റിയ ഷെറിന്‍, അഫ്‌സല്‍ സംസാരിച്ചു. റജിയാ മുജീബ് സ്വാഗതവും ഇഷാ സനം നന്ദിയും പറഞ്ഞു.