തലശ്ശേരി: കാവുംഭാഗം ഹയര്‍ സെക്കന്‍ഡറി സ്‌കൂളിനു സമീപം ചൊവ്വാഴ്ച രാത്രി ബോംബ് സ്‌ഫോടനം. റോഡിലാണ് ഉഗ്ര ശബ്ദത്തില്‍ സ്‌ഫോടനം നടന്നത്. തലശ്ശേരി പൊലിസ് സ്ഥലത്തെത്തി പരിശോധന നടത്തി. റോഡിനു സമീപം ബോംബിന്റെ അവശിഷ്ടങ്ങളും മറ്റും പൊലിസ് ശേഖരിച്ചു. ചൊവ്വാഴ്ച രാവിലെ സ്‌കൂള്‍ പരിസരത്ത് എസ്.എഫ്.ഐ-എ.ബി.വി.പി സംഘര്‍ഷമുണ്ടായിരുന്നു. ഒരു ബി.ജെ.പി പ്രവര്‍ത്തകന് കാവുംഭാഗത്തു വച്ച് മര്‍ദനമേല്‍ക്കുകയും ചെയ്തിരുന്നു. ഇതിന്റെ തുടര്‍ച്ചയായാണ് ബോംബ് സ്‌ഫോടനമെന്ന് സംശയിക്കുന്നു. പ്രദേശത്ത് പൊലിസ് സുരക്ഷ ശക്തമാക്കി.