ശ്രീകണ്ഠപുരം: ജൈവകൃഷിയിലൂടെ നൂറുമേനി വിളയിച്ച് ചൂളിയാട് പച്ചക്കറി കൃഷിയിലൂടെ സ്വയംപര്യാപ്ത ഗ്രാമമാകുന്നു. ജയിംസ് മാത്യു എം.എല്‍.എ മണ്ഡലത്തില്‍ നടപ്പാക്കിവരുന്ന സുസ്ഥിര വികസന പദ്ധതിയില്‍ ഉള്‍പ്പെടുത്തിയാണ് ചൂളിയാട് നവോദയ ഗ്രന്ഥാലയം വിജയം കൊയ്തത്. ജൈവ പച്ചക്കറി കൃഷിയുടെ വിളവെടുപ്പ് മലപ്പട്ടം പഞ്ചായത്ത് പ്രസിഡന്റ് പി. പുഷ്പജന്‍ ഉദ്ഘാടനം ചെയ്തു. പഞ്ചായത്ത് വികസന സ്റ്റാന്റിങ് കമ്മിറ്റി ചെയര്‍മാന്‍ ഇ. ജനാര്‍ദ്ദനന്‍ അധ്യക്ഷനായി. പഞ്ചായത്തംഗം ഒ.വി രത്‌നകുമാരി, പി.പി ലക്ഷ്മണന്‍, കെ.വി വിജയന്‍ സംസാരിച്ചു.