മാള: മതസൗഹാര്‍ദ്ദത്തിന് പേര് കേട്ട കേരളത്തില്‍ പോലും വര്‍ഗീയതയുടെ വിഷ വിത്തുകള്‍ വിതറി നാട്ടില്‍ കലാപം ഉണ്ടാക്കാന്‍ ആര്‍.എസ്.എസ് ശ്രമിക്കുന്നതായി സുബൈര്‍ ഓണംമ്പിള്ളി .
മുസ്‌ലിം ലീഗ് മാള പഞ്ചായത്ത് പ്രതിനിധി സംഗമത്തില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. കര്‍ഷക സംഘം കൊടുങ്ങല്ലൂര്‍ മണ്ഡലം പ്രസിഡന്റ് ഹൈദര്‍ മാരേക്കാട് സംഗമം ഉദ്ഘാടനം ചെയ്തു.
കേന്ദ്ര ഗവണ്‍മെന്റിന്റെ ശ്രംവീര്‍ അവാര്‍ഡ് ലഭിച്ച സുഹൈല്‍ മാരേക്കാടിനേയും മികച്ച അധ്യാപകനുള്ള അവാര്‍ഡ് നേടിയ കെ.എം സീതി മാസ്റ്ററേയും ചടങ്ങില്‍ ആദരിച്ചു.
മുസ്‌ലിം ലീഗ് പഞ്ചായത്ത് പ്രസിഡന്റ് സെയ്തുമുഹമ്മദ് മാരേക്കാട് അധ്യക്ഷനായി.
പി.കെ നൗഷാദ്, അന്‍വര്‍ മാമ്പ്ര, എം.എച്ച് ഫൈസല്‍, അഷ്‌റഫ് മാള, അല്‍ റെസിന്‍, ഹാഷിം മാള , ആഷിര്‍ , സംജാദ്, പഞ്ചായത്ത് ജന. സെക്രട്ടറി അക്‌സര്‍ മാള , സ്വാലിഹ് മാരേക്കാട് സംസാരിച്ചു.