വെങ്കിടങ്ങ് : കണ്ണോത്ത് ജുമാ മസ്ജിദിന്റെ മദ്‌റസ അങ്കണത്തില്‍ തിങ്ങിനിറഞ്ഞ സഹോദര മതസ്ഥര്‍ക്ക് ഓണകിറ്റുകള്‍ നല്‍കി മഹല്ല് കമ്മിറ്റി മതസൗഹാര്‍ദ്ദത്തിന്റെ ഓണ വിളംബരം മുഴക്കി. ആയിരത്തി അഞ്ഞൂറോളം ഫലവൃക്ഷതൈകള്‍ വിതരണം ചെയ്ത മഹല്ല് കമ്മിറ്റി ഹരിത കേരളത്തിന്റെ മാതൃകാ ഗ്രാമമാകാന്‍ പ്രതിജ്ഞയുമെടുത്തു. ഞായറാഴ്ച രാവിലെ ചെയ്ത കനത്ത മഴയെ സാക്ഷിയാക്കി സി.എന്‍ ജയദേവന്‍ എം.പി പദ്ധതി ഉദ്ഘാടനം ചെയ്തു. വെങ്കിടങ്ങ് ഗ്രാമപഞ്ചായത്ത് പ്രസിഡന്റ് രതി എം. ശങ്കര്‍ അധ്യക്ഷയായി. ജനപ്രതിനിധികളായ അപ്പു ചീരോത്ത്, എന്‍.കെ വിമല, സീനിയര്‍ അഗ്രികള്‍ച്ചര്‍ ഓഫീസര്‍ സുനില്‍ ദത്ത്, ഡോ.കരീം വെങ്കിടങ്ങ്, മഹല്ല് പ്രസിഡന്റ് എം.എ സക്കീര്‍ ഹുസൈന്‍, ജനറല്‍ സെക്രട്ടറി എം.എ സലിം , ട്രഷറര്‍ വി.എസ് ബാപ്പു, മഹല്ല് ഖത്തീബ് അബ്ദുള്‍ അസീസ് ഫാളിലി , പി.കെ നജീബ്ഷാ സംസാരിച്ചു. പ്രധാനമന്ത്രിയുടെ സ്‌കോളര്‍ഷിപ്പ് വിന്നര്‍ റഈസ ഷിറിനെ ചടങ്ങില്‍ ആദരിച്ചു.