കൂത്താട്ടുകുളം: വിദ്യാര്‍ഥികളും യുവാക്കളും സൈബര്‍ കുറ്റകൃത്യങ്ങളുടെ ചതിക്കുഴിയിലകപ്പെടാതിരിക്കാന്‍ ജനമൈത്രി പോലീസ് ലയണ്‍സ് ക്ലബിന്റെ സഹകരണത്തോടെ വിദ്യാര്‍കള്‍ക്കായി കൂത്താട്ടുകുളം ഹൈസ്‌ക്കൂളില്‍ അവെയര്‍ സൈബര്‍ ട്രാപ്പ് ബോധവല്‍ക്കരണ ശില്‍പശാല സംഘടിപ്പിച്ചു. പിറവം സര്‍ക്കിള്‍ പി.കെ ശിവന്‍കുട്ടി ഉദ്ഘാടനം ചെയ്തു.
ലയണ്‍സ് ക്ലബ് പ്രസിഡന്റ് ബാബു തോമസ് അധ്യക്ഷനായി. സൈബര്‍ വിദഗ്ധന്‍ ബാബു കുര്യാക്കോസ് ക്ലാസെടുത്തു. കൂത്താട്ടുകുളം പ്രിന്‍സിപ്പല്‍ എസ്.ഐ ഇ .എസ് സാംസണ്‍. സ്‌കൂള്‍ പ്രിന്‍സിപ്പല്‍ ലേഖ കേശവന്‍, ജനമൈത്രി സുരക്ഷ കണ്‍വീനര്‍ പി.സി മര്‍ക്കോസ്, സമിതിയംഗം ബേബി ആലുങ്കല്‍, സി.പി.ഒ സിബി അച്ചുതന്‍, പി.ടി.എ പ്രസിഡന്റ് പി.ബി സാജു, ലയണ്‍സ് ക്ലബ് ട്രഷറര്‍ ജേക്കബ് രാജു, സ്റ്റാഫ് സെക്രട്ടറി കുര്യന്‍ ജോസഫ് തുടങ്ങിയവര്‍ പ്രസംഗിച്ചു.