ആലപ്പുഴ: സംഘ്പരിവാര്‍- പൊലിസ് കുട്ടുകെട്ടിനെതിരെ നാളെ ആലപ്പുഴയില്‍ നടക്കുന്ന സംരക്ഷണ പോരാട്ട സംഗമം വിജയിപ്പിക്കുവാന്‍ ടൗണ്‍ കമ്മിറ്റി തീരുമാനിച്ചു.
പരിപാടിയുടെ ഭാഗമായി ഇന്ന് നഗരത്തില്‍ പ്രകടനം നടത്തും. വൈകിട്ട് 4.30ന് ലീഗ് ഹൗസില്‍ നിന്നും ആരംഭിക്കും.
26ന് ഇ.എം.എസ്. സ്റ്റേഡിയത്തില്‍ നടക്കുന്ന സംഗമത്തില്‍ പാര്‍ട്ടി പ്രവര്‍ത്തകരെ പങ്കെടുപ്പിക്കുവാന്‍ യോഗം തീരുമാനിച്ചു.
മുസ്‌ലിം ലീഗ് ടൗണ്‍ പ്രസിഡന്റ് എ.എം. നൗഫലിന്റെ അധ്യക്ഷതയില്‍ കൂടിയ യോഗത്തില്‍ ജില്ലാ ജനറല്‍ സെക്രട്ടറി എ.എം. നസീര്‍, വൈസ് പ്രസിഡന്റ് എ. യഹിയ, അഡ്വ. എ.എ. റസാഖ്, ബാബു ഷെരീഫ്, സീമ യഹിയ, എ.എം. യൂസഫ് പോറ്റി, ഷിബി കാസിം, എച്ച്. നവാസ്, എ.കെ. ഷിഹാബുദ്ദീന്‍, നെസ്മല്‍ സെലിം, മുജീബ് കലാം എന്നിവര്‍ സംബന്ധിച്ചു. ടൗണ്‍ ജനറല്‍ സെക്രട്ടറി എച്ച്. നൗഷാദ് സ്വാഗതവും, സെക്രട്ടറി നൗഷാദ് കൂരയില്‍ നന്ദിയും പറഞ്ഞു.