പേരാമ്പ്ര: വയനാട് വന്യജീവി സങ്കേതത്തില്‍ രണ്ടിടങ്ങളില്‍ നടന്ന ചന്ദന മര മോഷണവുമായി ബന്ധപ്പെട്ട കേസില്‍ ഒരാള്‍കൂടി പിടിയിലായി.

ബാലുശേരി കിനാലൂര്‍ രാരോത്ത് മുക്ക് കുഞ്ഞുമൊയ്തീനെയാണ് (52) പെരുവണ്ണാമൂഴി ഫോറസ്റ്റ് റെയ്ഞ്ചര്‍ ബി.ആര്‍ റൂബിന്‍ അറസ്റ്റ് ചെയ്തത്. പേരാമ്പ്ര കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
ഇതേകേസില്‍ മുന്‍പ് പിടിയിലായ മൂന്നുപേരെ ചോദ്യം ചെയ്തപ്പോഴാണ് കുഞ്ഞുമൊയ്തീനും സംഭവത്തില്‍ പങ്കാളിയാണെന്ന വിവരം ലഭിച്ചത്. സ്വകാര്യസ്ഥലത്തെ ചന്ദനം മുറിച്ച കേസിലും ഇയാള്‍ മുന്‍പ് പ്രതിയായിരുന്നു.