കൊച്ചി: ഫിഫ അണ്ടര്‍ 17 ലോകകപ്പിന്റെ ലോഗോ പ്രകാശനം മുഖ്യമന്ത്രി പിണറായി വിജയന്‍ നിര്‍വഹിക്കും. നാളെ രാവിലെ 11.30ന് കലൂര്‍ ജവഹര്‍ലാല്‍ നെഹ്രു അന്താരാഷ്ട്ര സ്റ്റേഡിയത്തിലാണ് ലോഗോ പ്രകാശന ചടങ്ങുകള്‍. മത്സരങ്ങള്‍ നടക്കുന്ന ആറ് വേദികളിലൊന്നായ കൊച്ചിയ്ക്ക് വേണ്ടി പ്രത്യേക രൂപകല്‍പന ചെയ്തതാണ് കൊച്ചി സിറ്റി ഭാഗ്യമുദ്ര. ഒക്‌ടോബര്‍ ഏഴിനാണ് കൊച്ചിയില്‍ ലോകകപ്പിന് വിസില്‍ മുഴങ്ങുക. വൈകിട്ട് അഞ്ച് മണിക്ക് ബ്രസീലും സ്‌പെയിനും ഏറ്റുമുട്ടുമ്പോള്‍ രാത്രി എട്ടിന് കൊറിയയും നൈജറും മാറ്റുരയ്ക്കും.